कञ्चनपुरमा २६ विद्यार्थी सवार स्कुल बस दुर्घटना

धनगढी ।
कञ्चनपुरमा २६ विद्यार्थी सवार स्कुल बस दुर्घटनामा परेको छ । शुक्लाफाँटा नगरपालिका– ११, अमरपुरमा युनिभर्सल बाल विद्या निकेतनको म १ ख ४२४ नम्बरको बस दुर्घटनामा परेको प्रहरीले जनाएको छ ।
जिल्ला प्रहरी कार्यालय कञ्चनपुरका प्रहरी निरीक्षक कृष्णानन्द भट्टले बस दुर्घटनामा परेको पुष्टि गरेका हुन् । बसमा २६ जना विद्यार्थी सवार रहेको भनिए पनि पूर्ण विवरण भने प्राप्त नभएको उनले बताए । अहिले प्रहरीले घाइते विद्यार्थीको उद्धार गर्ने काम भइरहेको जनाएको छ । तर के कति विद्यार्थी घाइते भए भन्ने विवरण खुलिसकेको छैन ।