रुपन्देहीमा दुई टिपर आपसमा ठोक्किँदा १ को मृत्यु, चालक घाइते

रुपन्देही ।
जिल्लाको देवदह घोडाहास्थित पूर्वपश्चिम राजमार्गमा दुई टिपर आपसमा ठोक्किँदा १ को मृत्यु भएको छ । एक जना घाइते भएका छन् । पूर्वबाट पश्चिम आइरहेको लु १ क २५८४ को टिपर र विपरीत दिशाको लु १ ख १२१८ टिपर शनिबार दिउँसो करिब साढे १ बजे आपसमा ठक्कर खाएको हो । दुर्घटनामा लु १ क २५८४ मा सवार रुपन्देही मायादेवी गाउँपालिका ४ गुन्डीकी ३५ वर्षीया सुनिता चौधरीको मृत्यु र चालक लुम्बिनी सांस्कृतिक नगरपालिकाका ३७ वर्षीय कमलेशकुमार यादवको घाइते भएका प्रहरीले जनाएको छ । चालक यादवको बायाँ खुट्टा भाँचिएको छ । लु १ ख १२१८ ठक्करका चालक भने फरार छन् । प्रहरीका अनुसार टिपरको टायर पन्चर भएर ठोक्किएको हो ।