कोरोना सङ्क्रमणविरुद्ध उच्च सतर्कता अपनाउन राष्ट्रपतिको आग्रह

काठमाडौं ।
राष्ट्रपति विद्यादेवी भण्डारीले विश्वभर महामारीको रुपमा फैलिएको कोरोना भाइरस अर्थात कोभिड १९ को सङ्क्रमणबाट जोगिनका लागि उच्च सतर्कता अपनाउन आग्रह गर्नुभएको छ । राष्ट्रपति भण्डारीले शनिबार ट्वीट गर्दै कोरोनाको सङ्क्रमणबाट बच्नका लागि आवश्यक उपाय अपनाउन सबैलाई आग्रह गर्नुभएको हो ।

उहाँले कोरोनाविरुद्धको विश्वव्यापी अभियानमा एकजुट हुन पनि सम्पूर्णलाई आग्रह गर्नुभएको छ ।