कोरोना भाइरसको असरः ला लिगाका खेलहरु स्थगित

एजेन्सी ।
ला लिगाका सबै खेलहरु स्थगित हुने भएका छन् । स्पानियोल फुटबल एसोसिएसन (आरएफइएफ) र ला लिगा फुटबल प्रोफेशनलले ला लिगाका आगामी दुई साताका खेलहरु स्थगित गर्ने बताएको हो ।

एसोसियसनले स्पेनमा कोरोना भाइरसको प्रकोप रोक्न सहयोग गर्न लालिगा र लालिगा २ का खेलहरु स्थगित गर्ने निर्णय गरेको हो । ला लिगामा यसै साता बाँकी रहेका खेलहरु स्थगित गर्ने बताएको हो ।

विश्वभर महामारीका रुपमा रहेको कोरोना भाइरसको रोकथामका लागि यो निर्णय गरिएको हो ।