कपिलवस्तु नगरपालिकाका मेयरले गरे होली नखेल्ने घोषणा

मायादेवी अनलाइन, तौलिहवा ।
कोरोना भाइरस तीव्र रुपमा फैलेर विश्वलाई नै त्रसित बनाईरहको बेला कपिलवस्तु नगरपालिकाका मेयर किरण सिंहले यस बर्ष आफुले होली नखेल्ने घोषणा गरेका छन् । साथै उनले रंग अबिर दलेर नभई एक आपसमा अभिवादन गरेर मन मिलाएर मात्र होली खेल्न नगरबासीमा अपील गरेका छन् ।
नगरपालिकाद्धारा तौलिहवामा आयोजित पत्रकार भेटघाट कार्यक्रममा उनले भीडभाडमा रंग दलेर होली नमनाउन आग्रह गरे । ‘यस बर्ष भीडभाड गरी जमघटपूर्ण अवस्थामा होली नमनाउन आग्रह गदर्छु’ उनले भने ।
पहिला स्वास्थ्य अनि मनोरञ्जन भन्ने नीतिलाई अंगाली नितान्त ब्यक्तिगत र घर परिवारमा मात्र सिमित भएर शुभकामना आदान–प्रदान गरी होली मनाउन उनले अनुरोध गरे । भीडभाडमा नजान, सभा सम्मेलन नगर्न, ब्यक्तिगत सरसफाई पोषिलो खोन कुरा खाए कारोना भाइरसको संक्रमणबाट बच्न सकिने बताए ।
कोरोना भाइरसको संक्रमणबाट बच्न आफै सचेत हुनु पर्ने र सम्भावित लक्षण देखिए तुरुन्तै स्वास्थ्य संस्थामा जानु पर्ने उनले बताए । नगरबासीसंग भेट गरेर होली खैल्ने ठुलो अभिलाषा भए पनि अहिले परिस्थिति नरहेको भन्दै यस बर्ष शब्दद्धारा नै नगरबासीलाई होलीको शुभकामना ब्यक्त गरे ।