वडा नम्बर ८ का जेष्ठ नागरिक सम्मानित

मायादेवी अनलाइन, चारनम्बर ।
कपिलवस्तुको वाणगंगा नगरपालिका वडा नम्बर ८ मा रहेका जेष्ठ नागरिकलाई सम्मान गरिएको छ । जेष्ठ नागरिक समाज नेपाल कपिलवस्तुको आयोजना र वडा कार्यलयको सहयोगमा वडा भित्रका जेष्ठ नागरिकलाई शनिबार सम्मान गरिएको हो । वाणगंगा बहुमूखी क्याम्पस लौगाईमा एक कार्यक्रमका बिच उनीहरुलाई दोसल्ला ओढाएर सम्मान गरिएको हो ।
कार्यक्रममा बोल्दै वडा नम्बर ८ का वडा अध्यक्ष गुणनिधी भुसालले जेष्ठ नागरिकका लागि वडा विभिन्न कार्यक्रम गर्दै आएको र यस वर्षपनि बावुआमालाई सम्मान गरिएको बताउनुभयो । वडा अध्यक्ष भुसालले जेष्ठ नागरिकको लागि आगामी वर्ष दिवा विश्राम स्थल निर्माण गर्ने गरी अगाडी बढेको जानकारी दिनुभयो । दिवा विश्राम स्थलमा जेष्ठ नागरिकले विश्राम गर्नेगरी भवन बनाउने प्रतिबद्धता जनाउनुभयो । उहाँले परिवारबाट अपहेलित भएका जेष्ठ नागरिकको हेरचाह वडाले गर्ने पनि प्रतिबद्धता जनाउनुभयो ।
कार्यक्रममा बोल्दै जेष्ठ नागरिक समाजका केन्द्रिय अध्यक्ष चन्द्रकान्त आचार्यले जेष्ठ नागरिकले सम्मानपूर्वक बाच्न पाउनुपर्ने भन्दै सम्मान कार्यक्रम गरेको जानकारी दिनुभयो । कार्यक्रममा ८० वर्ष पुरा भएका वडा भित्रका जेष्ठ नागरिकलाई सम्मान गरिएको हो । जेष्ठ नागरिक समाजका नगर अध्यक्ष नित्यानन्द बेल्वासेको अध्यक्षतामा भएको कार्यक्रममा अर्जुनप्रसाद बेल्वासेले स्वागत मन्तब्य राख्नुभएको थियो । कार्यक्रममा वाणगंगा नगरपालिका कार्यपालिका सदस्य गिता भुसाल लगाएतको उपस्थिती रहेको थियो ।