पिएसजीको खेल कोरोनाको कारण स्थगित

काठमाडौँ ।
कोरोना भाराइसको संक्रमण बढ्दै गएपछि यसको असर विश्वभरका खेलकुदमा पनि परेको छ । इटालीका सिरी ए का थुप्रै खेलहरु स्थगित भएपछि अब फ्रेन्च लिगका खेलमा पनि यसको असर देखिन थालेको छ ।

फ्रेन्च क्लब पिएसजीको शनिबार हुने भनिएको लिग वानको खेल कोरोनाका कारण स्थगित भएको छ ।

स्ट्रासबर्गसँग हुने सो खेल स्थगित भएको पिएसजीले जानकारी दिएको छ । यो खेल कहिले हुन्छ भन्ने बारे कुनै जानकारी दिइएको छैन । पिएसजीले सरकारी अधिकारीहरुको निर्देशन अनुसार खेल स्थगित गरिएको जनाएको छ ।

पिएसजी अहिले लिगमा २७ खेलमा ६८ अंकसहित शिर्ष स्थानमा रहेको छ ।