एसीसी इस्टर्न रिजन टि-२०ः नेपाल र सिंगापुरबीचको खेल रद्द

काठमाडौं ।
एसीसी इस्टर्न रिजन टि २० प्रतियोगितामा अन्तर्गत पहिलो खेलमा नेपाल र सिंगापुरबीचको खेल रद्द भएको छ ।
मैदान गिलो भएको कारण रद्ध भएको एसीसीले जनाएको छ । योसँगै नेपालको इस्टर्न रिजनमा यात्रा पनि सकिएको छ । नेपाल ४ खेलमा २ मा हार, १ मा जित र १ मा रद्दका साथ चौथो स्थानमा रहँदै प्रतियोगिताबाट बाहिरिन पुग्यो ।
नेपाल मलेसियासँग २२, हङकङसँग ४३ रनले पराजित हुँदा थाईल्यान्डलाई ९ विकेटले हराएको थियो । सिंगापुरले मलेसियालाई १ सय २८ रन, थाईल्यान्डलाई ४३ रन र हङकङलाई १६ रनले पराजित गरेको थियो । योसँगै सिंगापुरले इस्टर्न रिजनको उपाधि जितेको छ । सिंगापुर ४ खेलमा ३ मा जित र १ मा रद्ध सहित ७ अंकका साथ च्याम्पियन बनेको हो । आजको दोस्रो खेलमा हङकङ र मलेसिया भिड्दै छन् । दुबैको ३ खेलमा समान २ मा जित र १ मा हार सहित ४ अंक छ । विजेता टोली दोस्रो स्थानमा रहँदै आगमी अगष्टमा मलेसियामा हुने एसिया कप छनोटमा स्थान बनाउने छ ।