व्यापार संघ कपिलवस्तुद्वारा प्रधानमन्त्री ओलीलाई स्वास्थ्य लाभको कामना

मायादेवी अनलाइन, चन्द्रौटा ।
प्रधानमन्त्री केपी शर्मा ओलीको मृगौला प्रत्यारोपण शल्यक्रिया सफल भएसँगै देशैभर ओलीको सीघ्र स्वास्थ्य लाभको कामनासहित दिपावली मनाइरहँदा व्यापार संघ कपिलवस्तुले शुभकामना सन्देश जारी गरेको छ ।
बुधबार एक बक्तव्य जारी गर्दै व्यापार संघ अध्यक्ष महादेव पोखरेलले संघीय गणतन्त्र नेपालका सम्माननीय प्रधानमन्त्री ओलीको सु–स्वास्थ्य, दीर्घायूका साथै सीघ्र स्वास्थ्य लाभको कामनासहित शुभकामना व्यक्त गरेका हुन् । प्रधानमन्त्री ओलीको त्रिभुवन विश्वविद्यालय शिक्षण अस्पताल काठमाडौंमा दोस्रो पटक मृगौला प्रत्यारोपण सफलतापूर्वक सम्पन्न भएकोमा सबै नेपालीलाई खुशी तुल्याएको विज्ञप्तीमा उल्लेख छ । चिकित्सकका अनुसार प्रधानमन्त्री ओलीको स्वास्थ्य अवस्था स्थिर रहेको, सबै सुचाङ्कहरु राम्रो रहेको र प्रत्यारोपित मृगौलाले काम गर्न शुरु गरेको बताइएको छ ।

यसैबीच नेपालमा समेत कोरोना भाइरसको सन्त्रास फैलिएपछि व्यापार संघ कपिलवस्तुले यसबाट बच्ने उपाय र सतर्कता अपनाउन सबैमा अपिल गरेको छ ।
संघले एक विज्ञप्ती जारी गर्दै कोरोना भाइरस के हो र यसको संक्रमणबाट बच्न कस्ता कस्ता किसिमका उपाय अपनाउनुपर्छ भन्ने सन्देशसहित सबैलाई सचेत रहन आह्वान गरेको हो ।