सातौं प्राचिन कपिलवस्तु महोत्सव चैत २१ बाट

मणि प्रसाद गैह्रे, तौलिहवा ।
कपिलवस्तुको सदरमुकाम तौलिहवामा सातौं प्राचिन कपिलवस्तु महोत्सव लाग्ने भएको छ । तौलिहवा उद्योग वाणिज्य संघले लगाउँदै आएको महोत्सव यस वर्ष पनि संघले नै लगाउने निर्णय गरेको छ ।
सातौं प्राचिन कपिलवस्तु महोत्सव चैत २१ देखि २०७७ बैसाख २ गतेसम्म चल्ने सचिवालय गठन भई मिति तय गरेको महोत्सवका संयोजक एवं तौलिहवा उद्योग वाणिज्य संघका अध्यक्ष गयादिन कुर्मीले बताए ।
महोत्सवमा कृषि, पर्यटन, स्थानीय कला संस्कृति लगायतको क्षेत्रमा विशेष रुपले प्रचार गरिने संघका महासचिव अर्जुन चापागाईले बताए । जिल्लाका स्थानीय कलाकार तथा स्थानीय संस्कृतिको प्रवर्धनको लागि मेलाले सहयोग पुग्ने समेत चापागाईले बताए ।
तौलिहवामा रातिमा मेला लाग्ने हुँदा दिनभरको कामको थकान मेट्नको लागि स्थानीय जिल्ला तथा छिमेकी जिल्ला तथा भारतबाट दर्शकहरु आउने गर्दछन् ।