सहकारीले कृषि क्षेत्रमा ऋण लगानी गर्नुपर्छः उपप्रमुख थारु

राम अवतार चौधरी, चन्द्रौटा ।
शिवराज नगर उपप्रमुख शिवकुमारी थारुले सबै सहकारीले कृषि क्षेत्रमा ऋण लगानी गर्नुपर्ने बताएकी छन् । बिगुल बचत तथा ऋण सहकारी संस्थाको आठौँ साधारणसभालाई सम्बोधन गर्दै नगर उपप्रमुख थारुले यस्तो बताएकी हुन् ।
कपिलवस्तुको शिवराज नगरपालिका–३, मदवमा शनिबार आयोजित कार्यक्रममा बोल्दै थारुले ग्रामीण भेगलाई प्राथमिकता दिएर कृषकलाई सहकारीले ऋण उपलब्ध गराए आयस्तर राम्रो हुने बताइन । बिगुल सहकारीले गरेको कार्य प्रशंसा गर्दै नगरपालिकाबाट पनि कृषि क्षेत्रलाई प्रोत्सहनका लागि बीउ बिजन लगायत अन्य कृषि सामाग्री वितरण गर्ने गरेको उनले उल्लेख गरिन् ।
साथै सिङ्गो नगरपालिकालाई नै समृद्ध बनाउन सबैको साथ सहयोग अवश्यक रहेको बताउँदै ठाउँ अनुसारको दुना टपरी, अचार बनाउने देखि लिएर पलम्बर, लोक सोवा तर्फ युवाहरूलाई लक्षित गरि नगरपालिकाले कार्यक्रम सञ्चालन गर्दै आएको त्यसम बिगुल सहकारीको सदस्यहरूलाई समेत सो कार्यक्रम भागलिनु आवश्यक रहेको जिकिर गरिन् ।
त्यसैगरी चन्द्रौटा व्यापार संघ कपिलवस्तुका अध्यक्ष महादेव पोख्रेल, साइन रेसुङ्गा बैक चन्द्रौटाका शाखा प्रबन्ध शेखरनाथ खनाल लगायतले साधारणसभामा बोल्दै बाबाआमाले गर्दै आएको कृषि पेशा मात्रै नभएर व्यापारमा समेत अग्रसर भएर युवा पुस्ताले लाग्नुपर्ने बताउँदै आफूले कमाएको पैसा बचत गरेर सहकारी जम्मा गर्नुपर्ने र फजुल खर्च नगर्न सुझाए ।
यस्तै साधारणसभामा बिगुल बचत तथा ऋण सहकारी संस्थाको कोषाध्यक्ष कृष्ण गिरीले बार्षिक प्रतिबेदन प्रस्तुत गर्दै सहकारीले गत आर्थिक बर्ष २०७५÷०७६ मा करिब ३ करोड बराबरको कारोबार गरेको जनाउँदै सहकारीमा १४ जना नयाँ सदस्य थप गरि जम्मा ३०७ शेयर सदस्य रहेको सहकारीले जनाएको छ ।
यसैबीच नियमित मासिक बचत तथा असल ऋणी तर्फ गंगाराम जसी, कृष्ण भारती त्यसैगरी नियमित दैनिक बचत तर्फ सन्तोष उपाध्य, हरि प्रसाद खनाल लगायत गरि ४ जनालाई बिगुल सहकारीले खादा र सम्मान पत्रले सम्मान गरिएको सहकारीको व्यवस्थापक ज्ञान बहादुर जिसीले जनाए ।
कार्यक्रम भिम प्रसाल खनालको अध्यक्षता, कोपिला न्यौपानेको स्वगत र देवीराम पाण्डेको सञ्चालनमा सम्पन्न भएको थियो ।