दक्षिण कोरियामा एकैदिन ५९४ जनामा कोरोना संक्रमण

एजेन्सी ।
दक्षिण कोरियामा नोवेल कोरोना भाइरसको संक्रमणले महामारिको रुप लिँदै गएको छ । शुक्रबार एकै दिन ५९४ जनामा कोरोनाको संक्रमण पुष्टि भएको छ । योसँगै दक्षिण कोरियामा कोरोना संक्रमितको संख्या २९ सय ३१ पुगेको छ ।
अहिलेसम्म त्यहाँ कोरोनाका कारण १७ जनाको मृत्यु भएको छ । चीन बाहिर सबैभन्दा धेरैमा कोरोनाको संक्रमण हुने देश दक्षिण कोरिया हो ।
यस्तै अमेरिकाको क्यालिफोर्निया र ओरिगन राज्यमा नयाँ कोरोना संक्रमितहरु भेटिएका छन् र उनीहरुमा कहाँबाट कोरोना संक्रमण भयो भन्ने खुलेको छैन ।