बेलझुण्डीमा जारी प्रदेश एक्स्पो आज सकिँदै, तुलसीपुरका सबै विद्यालयमा विदा

दाङ । प्रदेश ५ सरकारको आयोजनामा दाङको बेलझुण्डीमा शनिवारदेखि सुरु भएको ‘प्रदेश एक्स्पो २०७६’ सोमबार (आज) सकिँदै छ । एक्स्पोको अन्तिम दिन आज विशेष कार्यक्रम हुने जनाइएको छ । एक्स्पोको अवलोकन गर्न भनी सोमबार तुलसीपुर उपमहानगरपालिकाले उपमहानरभित्रका सामुदायिक तथा निजी विद्यालयहरुलाई सार्बजनिक बिदा दिएको छ । पमहानरका शिक्षा समिति संयोजक देवराज विश्वकर्माका अनुसार प्रदेश ५ लाई एकै ठाउँमा जोड्नका लागि आयोजना गरिएको प्रदेश एक्स्पो अवलोकनका लागि उपमहानगरपालिकाले सम्पूर्ण विद्यार्थीहरुलाई आह्वान समेत गरेको छ। विद्यार्थीलाई सहयोग गर्न शिक्षकलाई निर्देशन दिएको छ। प्रदेशभरिका विभिन्न बहुपक्षीय कुराहरु व्यवहारिक ढंगले विद्यार्थीहरुले सिकून् भनी विद्यालय बिदा दिइएको संयोजक विश्वकर्माले बताउनु भयो । एक्स्पोमा प्रदेश ५ का १२ जिल्लाका १०९ स्थानीय तह र प्रदेश ५ का मन्त्रालयलगायत अन्य क्षेत्रकाले ५०० स्टलमा विभिन्न किसिमका पर्दशनी राखेका छन्।