विप्लव समूहका नेता विद्रोही पक्राउ

काठमाडौं ।
प्रतिबन्धित विप्लव समूह निकट लेखक संघका एक जना नेता पक्राउ परेका छन् । पक्राउ पर्नेमा नेपाल लेखक संघका केन्द्रीय सदस्य बिपि विद्रोही भनिने बृहसपति पौडेल छन् ।
उनलाई महानगरीय प्रहरी वृत्त, कालिमाटीको टोलीले बिहीबार दिउँसो कुलेश्वरबाट पक्राउ गरेको हो । उनीमाथि चन्दा आतंक मच्चाएको अभियोग छ । थप अनुसन्धान जारी रहेको बताइएको छ ।