एजेन्सी ।
च्याम्पियन्स लिग फुटबल अन्तर्गत यो सिजनको नकआउट चरण मंगलबारदेखि सुरु भएको छ । नकआउट चरण सुरु नहुँदै आउँदो सिजनका लागि स्थान पक्का गरेको साबिक विजेताका लागि अन्तिम १६ को यात्रा यो सिजन कठिन हुने देखिएको छ ।
अन्तिम १६ को पहिलो लेग अन्तर्गत मंगलबार राति भएको खेलमा युरोपियन च्याम्पियन लिभरपुल स्पेनिस क्लब एथ्लेटिको मड्रिडसँग पराजित भएको छ ।
घरेलु मैदानमा भएको खेलमा एथ्लेटिको मड्रिडले लिभरपुललाई १–० ले पराजित गरेको हो । एथ्लेटिकोको जितमा चौथो मिनेटमा साउल निगुएजले गरेको गोल नै निर्णायक बन्यो ।
लिभरपुलले गोल गर्ने दुई मौका पाएका थियो । तर त्यसलाई सदुपयोग गर्न सकेन । दोस्रो लेग आउँदो मार्च ११ मा लिभरपुलको मैदानमा हुनेछ।
प्रतिक्रिया