मातृ शोकमा सांसद केसी

मायादेवी अनलाइन, चन्द्रौटा ।
कपिलवस्तु पश्चिम क्षेत्रका प्रदेश सांसद अर्जुन कुमार केसीलाई मातृ शोक परेको छ । सांसद केसीकी ८३ बर्षीय आमा लोक कुमारी केसीको मंगलबार निधन भएको छ । शिवराज नगरपालिका १ निवासी केसीकी आमाको साँझपख निधन भएको पारिवारीक स्रोतले जनाएको छ ।
प्यूठानको गौमुखी गाउँपालिकामा जन्मनुभएकी लोक कुमारीका ५ भाई छोरा र २ छोरी छन् । केही समय अघिदेखि उहाँ अस्वस्थ रहँदै आउनु भएको थियो ।
केसी परिवार लामो समय देखि कम्युनिष्ट आन्दोलनमा छन् । नेकपाबाट निर्वाचित केसीसंगै भाईहरु पनि राजनीतिमा सक्रिय हुनुहुन्छ । तत्कालिन युवा संघ नेपाल कपिलवस्तुका अध्यक्ष गणेश केसी, युवा संघकै नगर कमिटी अध्यक्षमा रामचन्द्र केसीले जिम्मेवारी सम्हालि सक्नुभएको छ ।
स्वर्गीय केसीको राप्ती आर्यघाटमा अन्त्येष्टिको तयारी भइरहेको छ ।