मोटरसाइकल चोरको एक गिरोह बुटवलको प्रहरी नियन्त्रणमा

बुटवल ।
मोटरसाइकल र स्कुटर चोरीमा संलग्न एक गिरोह प्रहरीको फन्दामा परेको छ । बुटवल तथा आसपासको क्षेत्रबाट मोटरसाइकल चोरी गर्ने गिरोहलाई प्रहरीले पक्राउ गरेको छ ।
इलाका प्रहरी कार्यालय बुटवलले बुटवल तथा तिलोत्तमाका विभिन्न क्षेत्रबाट मोटरसाईकल र स्कुटर चोरी गर्दै आएको ६ जनाको उक्त गिरोहलाई पक्राउ गरेको छ । पक्राउ गरेकाहरुलाई मंगलबार पत्रकार सम्मेलन गरी प्रहरीले सार्वजनिक गरेको छ ।
इलाका प्रहरी कार्यालय बुटवलका प्रमुख प्रहरी नायब उपरिक्ष्ँक भिमलाल भट्टराईले सोमबार बुटवल ११ देविनगरमा रहेको लुम्बिनी आयूर्वेद अस्पताल अगाडीबाट मोटरसाईकल चोरी गर्दै गर्दा उक्त समुहलाई पक्राउ गरिएको जानकारी दिए ।
यसरी पक्राउ पर्नेहरुमा रुपन्देहीको सैनामैना र देवदहका रहेका छन् । पक्राउ पर्नेमा सैनामैना नगरपालिका वडा नं। १ का २६ वर्षको दिपक थापा, २२ वर्षको सुजन थापा र २५ वर्षको जीवन पुन छन् ।
त्यस्तै देवदह नगरपालिका वडा नं. ११ का २५ वर्षको धर्मेन्द्र कहार, ३३ वर्षको लक्ष्मण गिरी र ३६ वर्षको धर्मेन्द्र चमार रहेका छन् । पक्राउ परेका उनीहरुलाई चोरी मुद्धा अन्तर्गत मुद्धा चलाईने प्रहरी नायब उपरिक्षक भट्टराईले जानकारी दिनुभयो ।
उक्त समुहबाट लुम्बिनी प्रादेशिक अस्पताल बुटवल, तिलोत्तमा तथा बुटवलका अन्य स्थानबाट चोरी गरेका ५ वटा मोटरसाइकल र स्कुटर बरामद गरिएको प्रहरी नायब उपरिक्षक भट्टराईले जानकारी दिए ।