९ मंसिर २०८१, आइतबार | Sun Nov 24 2024

सल्यान दुर्घटनाः गम्भीर घाइते सेनाका मेजरको ईश्वर सिलवालको मृत्यु



काठमाडौँ ।
सल्यानमा गएको बुधबार सेनाको गाडी दुर्घटना हुँदा घाइते भएका सेनाका एक मेजरको मृत्यु भएको छ । दुर्घटनामा घाइते भएका ३५ वर्षका मेजर ईश्वर सिलवालको उपचारको क्रममा सोमबार मृत्यु भएको हो ।
यसअघि घटनास्थलमै सेनाका जमदार यादव भडोलको मृत्यु भएको थियो । सो दुर्घटनामा गम्भीर घाइते भएका ६ जनामध्ये सोमबार मेजर सिलवालको मृत्यु भएको हो । उनको सोमबार नै अन्त्यष्टि भएको छ ।
सल्यानको कपुरकोट गाउँपालिकाको चोरखोलामा गएको बुधबार सिमखर्कबाट दाङका लागि छुटेको लु १ त १२३ नम्बरको नेपाली सेना सिमखर्क ब्यारेकको गाडी सडकबाट तल खसेको थियो ।
दुर्घटनामा घाइते भएका सेनानी जयप्रकाश बोहरा, मोहन थापा, सिपाही विशाल गुरुङ,रेशम लित मगर र विपिन श्रेष्ठको उपचार जारी छ ।

प्रकाशित मिति : ६ फाल्गुन २०७६ मंगलबार ००:००  २ : १७ बजे