३३ किलो गाँजासहित भारतीय नागरिक पक्राउ

मकवानपुर ।
जिल्ला प्रहरी कार्यालय मकवानपुरले लागूऔषध गाँजासहित एक भारतीय नागरिकलाई पक्राउ गरेको छ । शनिबार बिहान हेटौंडा १९ अन्र्गत पूर्वपश्चिमी लोकमार्गमा चोक गर्ने क्रममा प्रहरीले गाँजासहित भारतीय नागरिकलाई पक्राउ गरेको हो ।
इलाका प्रहरी कार्यालय नेवारपानीबाट खटेको प्रहरी टोलीले ३३ किलो ६ सय ग्राम गाँजासहित भारतीय नागरिक ४० बर्षीय भगवादास यादवलाई पक्राउ गरेको हो ।
मनहरीबाट हेटौंडातर्फ आउँदै गरेको जेएच ०९ ए ८३६१ नम्बरको भारतीय कार चेकजाँचको क्रममा सीटमुनी ३० किलो ६ सय ग्राम र कारभित्र राखिएको टायरभित्र ३ किलो गाँजा फेला पारिएको जिल्ला प्रहरी कार्यालय प्रमुख एसपी सुरेशसिंह राठौरले जानकारी दिए ।
पक्राउ परेका यादवलाई लागूऔषध नियन्त्रण ऐन २०३३ बमोजिम कारवाही चलाउने प्रहरीले जनाएको छ । २ देखि १० बर्षसम्म कैद, १५ हजार रुपैयाँदेखि १ लाख रुपैयाँसम्म जरिवाना हुनसक्ने प्रहरीको दाबी छ ।