मोटरसाइकल अनियन्त्रित भई पल्टिदा एक जनाको ज्यान गयो

नेपालगञ्ज ।
बाँकेको राप्ती सोनारी गाँउपालिका १ को सिक्टा मोडमा पनि बिहीबार राति तीन जना सवार भे४प ६७४६ नम्बको मोटरसाइकल अनियन्त्रित भएर पल्टिँदा एक जनाको ज्यान गएको छ भने अन्य दुई जना घाइते भएका छन् ।
ज्यान गुमाउनेमा मोटरसाइकलमा पछाडि सवार पुरुष रहेका छन् । गम्भीर घाइते भएका उनको उपचारको क्रममा नेपालगञ्ज मेडिकल कलेज कोहलपुरमा राती पौने ११ बजे ज्यान गएको हो, उनको पहिचान भएको छैन ।
घाइते भएका मोटरसाइकल चालक बाँकेकै सोनारी गाँउपालिका ५ का ३० वर्षीय दिलबहादुर विक, पछाडि सवार अर्का सोनारी गाँउपालिका २ का विजयकुमार चौधरीको भने त्यही अस्पतालमै उपचार भइरहेको इलाका प्रहरी कार्यालय कुसुमाले जनाएको छ ।