मोटरसाइकलको ठक्करबाट कपिलवस्तुमा एक जनाको मृत्यु

मायादेवी अनलाइन, बुद्धभूमि ।
कपिलवस्तुमा मोटरसाइकलको ठक्करबाट एक जनाको मृत्यु भएको छ । जिल्लाको बुद्धभूमि नगरपालिका वडा नं. १ बसन्तपुरमा मोटरसाइकलले ठक्कर दिदा सोही स्थानका बसन्त श्रेष्ठको मृत्यु भएको हो ।
गोरुसिंगेबाट पथ्थरकोटतिर जादै गरेको २–०३००६–प ११६८ नं.को मोटरसाइकलले श्रेष्ठलाई ठक्कर दिएको जिल्ला ट्राफिक प्रहरी कार्यालय गोरुसिंगेले जनाएको छ ।
ठक्करबाट गम्भिर घाइते भएका उनको उपचारको क्रममा बुटवलमा मृत्यु भएको प्रहरीले जनाएको छ ।
तीव्र गतिमा रहेको मोटरसाइकलले श्रेष्ठलाई ठक्कर दिएपछि आफै अनियन्त्रित भएर दुर्घटनामा परेको थियो । दुर्घटनामा मोटरसाइकलमा सवार दुई जना घाइते भएका छन् । घाइते हुनेहरुमा सन्तोष मगर र लक्ष्मण पौडेल रहेका छन् । उनीहरु दुवै जनाको वुटवलस्थित अस्पतालमा उपचार भैरहेको जनाइएको छ । उनीहरु दुवै को अवस्था चिन्ताजनक छ ।