छिमेकीको खुकुरी प्रहारबाट अर्घाखाँचीमा एकजना घाइते

बिष्णु कुमार आले,अर्घाखाँची ।
अर्घाखाँचीको सन्धिखर्क नगरपालिका वडा नं ३ छाँपडाडा निवासी टान बहादुर थापा आईतबार साँझ छिमेकी स्थानीय एक ब्यक्तिको खुकुरी प्रहारबाट शक्त घाइते भएका छन । निज थापालाई आफ्नै वडाका ५९ बर्षिय छन्द बहादुर कुमाल ( मुखियाँ ) ले खुकुरीले टाउकोमा हानेर गम्भीर घाइते बनाएको प्रहरीले जनाएको छ ।
थापा र मुखियाँ बिच लेनदेनको बिषयमा बिबाद भएको थियो । घाइतेलाई अर्घाखाँची अस्पतालमा प्राथमिक उपचार पछि थप उपचारको लागि बुटवल रिफर गरिएको बताईएको छ । खुकुरी प्रहार गर्ने कुमाललाई प्रहरीले पक्राउ गरि अनुसन्धान भईरहेको जनाएको छ ।