पाल्पामा रूखबाट लडेर युवकको मृत्यु

पाल्पा ।
जिल्लाको तिनाउ गाउँपालिका–३ चौकिभञ्ज्याङमा रूखबाट लडेर एकजनाको मृत्यु भएको छ। मृत्यु हुनेमा स्थानीय ३८ वर्षीय टंकबहादुर दर्लामी रहेको जिल्ला प्रहरी कार्यालय पाल्पाका प्रहरी निरीक्षक सुरज श्रेष्ठले बताए ।
दर्लामी घरनजिकै बारीको कान्लामा साज नामक रूखबाट घाँस काट्नेक्रममा आइतबार बिहान करिब ९ बजेतिर लडेका थिए। उनको घट्नास्थलमै मृत्यु भएको प्रहरीले जनाएको छ । जिल्ला अस्पताल पाल्पामा शवको पोष्टमार्टम गरी आफन्तलाई बुझाइएको प्रहरी निरीक्षक श्रेष्ठले बताए ।