सैनामैनामा मोटरसाइकल दुर्घटना, एकको मृत्यु

सैनामैना ।
रुपन्देहीको सैनामैना २ कालिकाचोकमा मोटरसाइकल दुर्घटना हुँदा १ जनाको मृत्यु भएको छ । दुर्घटनामा रोल्पा नगरपालिका ३ खुमले निवार्सी २५ वर्षिय तारा प्रसाद केसीको ज्यान गएको हो । शुक्रबार पुर्वबाट पश्चिम तर्फ जादै गरेको लु २६ प ८१८० न. मोटरसाइकलले सोही दिशा तर्फ नै जादै गरेको लु २ ख ३७९८ नं को टिप्परलाई ओभरट्याक गर्ने क्रममा मोटरसाइकल अनियन्त्रित भई दुर्घटना भएको प्रहरीले जनाएको छ । मोटरसाइकल अनियन्त्रीत भइ टिपर मुनि परेको थियो । दुर्घटनामा घाइते चालकलाई उपचारका लागि लुम्बिनी प्रादेशीक अस्पताल बुटवल पठाएकोमा अस्पतालमै मृत्यु भएको इलाका प्रहरी कार्यालय रन्यौरा मुर्गियाका प्रहरी निरीक्षक मनोज कुमार श्रेष्ठले जानकारी दिनुभयो ।
शुक्रबार अपहन ४ः २० बजे दुर्घटना भएको हो । चालक र टिपर इलाका प्रहरी कार्यलय मुर्गियाको नियन्त्रणमा छन ।