करिब सय चलचित्रमा अभिनय गरेका हलिउड अभिनेता डगलसको निधन

एजेन्सी । हलिउड अभिनेता डगलसको निधन भएको छ । ६ दशकसम्म चलचित्र क्षेत्रमा सक्रिय रहेका हलिउड लेजेण्ड डगलसको १०३ वर्षको उमेरमा निधन भएको हो

चलचित्र तथा रंगमञ्चमा काम गरेका उनले दुवै क्षेत्रमा विभिन्न भूमिकामा अभियन गरेका छन् । सन् १९१६ मा न्यूयोर्कमा जन्मिएका उनले हलिउडको ‘गोल्डेन एज’ मा आफ्नो प्रभाव कायम गरेका थिए ।

उनले सन् १९४९ मा च्याम्पियनका लागि पहिलो पटक ओस्कारमा मनोनयन प्राप्त गरेका थिए । उनी ओस्कार विजेता अभिनेता माइकल डगलसका पिता पनि हुन् ।

माइकलले जारी गरेको वक्तव्यमा किर्क आफू र जोएल तथा पिटरका लागि स्नेही पिता रहेको र उनलाई गुमाउनु पर्दा गम्भीर पीडामा परेको उल्लेख छ ।

किर्क डगलस सन् १९४० को दशकदेखि २००० को दशकसम्म चलचित्र क्षेत्रमा सक्रिय थिए । उनले ९० भन्दा बढी चलचित्रमा काम गरेका छन् । उनको सर्वाधिक चर्चित चलचित्र स्पार्टकस हो ।