मौसम धुम्म, पहाडी भूभागका थोरै स्थानमा हल्का वर्षाको संभावना

काठमाडौं ।
देशका पहाडी भूभागमा शनिबारको मौसम आशिंक देखि सामान्य बदली रही बाँकी भूभागमा मौसम सामान्यतया सफा रहने जल तथा मौसम पूर्वानुमान महाशाखाले जनाएको । देशको पहाडी भूभागका थोरै स्थानहरुमा हल्का वर्षाको संभावना पनि रहेको मौसमविदले बताएका छन् ।

उच्च पहाडी तथा हिमाली भूभागमा हल्का हिमपातको संभावना पनि रहेको महाशाखाले जारी गरेको सूचनामा उल्लेख छ ।अहिले नेपालमा कमजोर पश्चिमी निम्न चापीय प्रणालीको प्रभाव रहेको छ ।