श्रीमतीको कुटाइबाट श्रीमान ठहरै

पोखरा ।
बागलुङमा लोग्ने स्वास्नीबीच झगडाका क्रममा लोग्नेको मृत्यु भएको छ । बागलुङको तमानखोला गाउँपालिका–१, बिसोक बस्ने ६४ वर्षीय छविलाल बिक र उनकी श्रीमती ६० वर्षीया जमुनाबीच झगडा हुँदा छविलालको घरको भित्तामा रहेको ढुंगामा ठोक्किएर मृत्यु भएको प्रहरीले जनाएको छ ।
प्रहरीकाअनुसार उनीहरुबीच घरायसी कुरामा विवाद हुँदा हात हालाहाल भएको थियो। हात हालाहाल हुने क्रममा छविलाल भित्ताको ढुंगामा ठोक्किन पुगेका थिए ।
यता, कास्कीको माछापुच्छ्रे गाउँपालिका–७, धम्पुसमा सोही ठाउँका प्रजापति पराजुली मृत भेटिएका छन्। शुक्रबार उनको शब बाटोभन्दा तल भीरमा भेटिएको प्रहरीले जनाएको छ ।