बुधबार माघ १५, वाणगंगाको ‘म सफा गर्छु मेरो नगर’ बैदौली क्षेत्रमा

मायादेवी अनलाइन, चारनम्बर ।
बुधबार माघ १५ । वाणगंगा नगरपालिकाका जारी ‘म सफा गर्छु मेरो नगर’ अभियान वडा नं. ६ को बैदौलीमा सञ्चालन गरिएको छ । हरेक महिनाको १ र १५ गते नगरभित्र सञ्चालन हुँदै आएको सरसफाई अभियान अन्तर्रगत बुधबार बैदौली क्षेत्रको सरसफाई गरिएको हो । माघ महिनाको सिरेटोको कुनै प्रवाह नगरि सरोकारवाला र स्थानीय फोहोर टिप्न एकाविहानै बैदौलीमा उपस्थित जनाएका थिए ।
अभियानमा नगर उप प्रमुख चक्रपाणि अर्याल, शिक्षा शाखाका प्रमुख बाबुराम भट्टराई, वडा नं. ६ का वडाध्यक्ष सुकदेव थारु, वडा नं. ५ का वडाध्यक्ष भिष्मराज भुसाल, स्वास्थ्य शाखा प्रमुख ठगराज पौडेल, शिक्षा शाखा अधिकृत खिमबहादुर जिसी लगायत सयौं सर्वसाधारणको उपस्थिती रहेको थियो ।
नगरलाई सुन्दर, हरियाली र हराभरा बनाउनका लागि चालिएको यो अभियान नगरका ११ वटै वडामा सञ्चालन भएको छ । अभियानलाई सफल पार्न सबै नगरबासी आ आफ्नो क्षेत्रमा कृयाशिल हुनुपर्नेमा नगर उपप्रमुख अर्यालले जोड दिनुभयो ।