बालकको गुप्ताङ्ग कुकुरले खाइदियो, आर्थिक अभावका कारण उपचारमा समस्या

कालिकोट ।

कालिकोट रास्कोट नगरपालिका ३ का एक तीन महिने बालकको गुप्ताङ्ग अर्थात लिङ्ग कुकुरले चुडालेर खाई दिएको छ । घरमा कोर्कोमा सुतिरहेका बालकको गुप्ताङ्ग सोमबार अपरान्ह ४ बजे कुकुरले बालकको परिवारले जनाएको छ । कुकुरले बालकको लिङ्ग चुडाएर रगताम्य बनाई दिएको थियो ।

बालकको गुप्ताङ्ग कुकुरले खाएपछि बालकको तत्काल उपचारका लागि स्थानीय स्वास्थ्य संस्थामा लगिएको र स्वास्थ्य चौकीले थप उपचारका लागि जिल्ला अस्पतालमा रिफर गरेको बालकका हजुरबुवा नाम्चे दर्जीले बताए ।

बालकको अवस्था गम्भीर रहेको र परिवारको आर्थिक अवस्था पनि कमजोर रहेको स्थानीय राम दर्जीले जानकारी दिए । ‘घटनापछि बालकको अवस्था गम्भीर छ ।’ उनले भने ‘बालकको परिवारको आर्थिक अवस्था कमजोर रहेका कारण उपचारमा पनि समस्या परेको छ ।’