कपिलवस्तु पटनामा रहेको एनसेल टावरमा आगजनी, विप्लव समूहमाथि शंका

मायादेवी अनलाइन, चारनम्बर ।
देशका विभिन्न स्थानका एनसेल टावरमा अज्ञात समूहले आगजनी गरेका घटना सार्वजनिक भैरहेका छन । सोमबार राती देशका विभिन्न स्थानमा अज्ञात समूहले एनसेल टावरमा आगजनी गरेका हुन ।
कपिलवस्तुको पटनामा रहेको टावरमा पनि आगजनी भएको प्रहरीले जनाएको छ । वाणगंगा नगरपालिका वडा नं. १० मा रहेको उक्त टावरमा आगजनी भएको स्थानीयबासीले बताएका छन ।
घटना कसले घटायो पत्ता लाग्न सकेको छैन । इलाका प्रहरी कार्यालय पिपराले घटनाबारे अनुसन्धान भैरहेको जनाएको छ । आगजनीबाट टावरमा सामान्य क्षति भएको छ । पछिल्लो समय सरकारद्धारा प्रतिवन्धित विप्लव समूहको नेकपाले घटना घटाएको हुन सक्ने प्रारम्भिक आशंका छ । यद्यपि पुष्टि भने भएको छेन ।