कपिलवस्तु बुड्ढी निवासी काङ्ग्रेस नेता खनाललाई पितृ शोक

मायादेवी अनलाइन, बुद्धभूमि ।
कपिलवस्तुका काङ्ग्रेसका नेता, प्रखर वक्ता, समाजसेवी तथा साना किसान कृषि सहकारी संस्था लिमिटेड बुद्धभूमिका अध्यक्ष पदमप्रसाद खनाललाई पितृ शोक परेको छ । उहाँका पुजनीय बुबा पंडित गोविन्दप्रसाद खनाल शर्माको माघ ९ गते साँझ ८ बजे ८७ बर्षको उमेरमा आफ्नै घरमा निधन भएको हो ।
खनालका बुबा स्वर्गीय पण्डित शर्मा २००४ सालदेखि कपिलवस्तुको तत्कालीन बुड्ढी गाउँ पञ्चायतमा समाजसेवा गर्दै २०२४ साल देखि ३८ सालसम्म निरन्तर वडा अध्यक्ष रही सेवा गर्नु भएको थियो ।
पण्डित शर्माले स्थानीय श्री भृकुटी माध्यमिक विद्यालयको संस्थापक सन्चालक सदस्य भई विद्यालय स्थापनामा अतुलनीय योगदान गर्नु भएको थियो भने यस भेगको बस्ती बिस्तार र विकास निर्माणका साथै धार्मिक कार्यमा अग्रसर रहदै आउनु भएको थियोे ।
स्वर्गीय पण्डित शर्माको शुक्रबार (आज) कपिलवस्तुमा रहेको रामघाटमा अन्तिम दाहसंस्कार गरिने परिवारजनले बताएका छन । नीज स्वर्गीय शर्माका दुईवटा छोराहरु पदम प्रसाद खनाल, दामोदर खनाल र ७ वटी छोरीहरु रहेका छन् । साथै उहाँका नाति रुपक खनाल नेवि संघका नेता हुन् । लामो समय देखि विद्यार्थी राजनीतिमा रहनुभएका रुपक जिल्लाका प्रखर वक्ता समेत हुनुहुन्छ ।