राष्ट्रिय सभा सदस्यमा डा. बेदुराम भुसालको जित

मायादेवी अनलाइन, चारनम्बर ।
राष्ट्रिय सभा सदस्यको निर्वाचनमा डा. बेदुराम भुसाल विजयी हुनुभएको छ । नेकपा स्थायी कमिटी सदस्य समेत रहनुभएका भुसालले राष्ट्रिय सभा सदस्यमा जित हासिल गर्नुभएको हो । नेकपाका वैचारिक नेतामा पर्नुहुने नेता भुसालको जन्मस्थल अर्घाखाँची हो ।
अर्घाखाँचीको हर्रे–बर्रे आन्दोलनको अगुवाई गर्दै राजनीतिमा आउनुभएको भुसाल तत्कालिन नेकपा (एमाले) कपिलवस्तुको सचिव पनि हुनुभएको थियो । त्यति बेला सचिव पार्टीको अध्यक्ष हुने प्रावधान थियो ।
वैचारिक नेता भएपनि पार्टीबाट भुसाललाई पटक पटक पछि पार्ने काम भएको थियो । यद्यपि यो पाली उहाँ राष्ट्रिय सभा सदस्य बन्नुभएको छ । भुसालले प्रदेश ३ बाट राष्ट्रिय सभामा प्रतिनिधित्व गर्नुहुनेछ ।