राष्ट्रियसभा प्रदेश २ मा नेकपाकी दाहाल विजयी

धनुषा ।
राष्ट्रियसभा सदस्यको लागि भएको निर्वाचनमा प्रदेश २ बाट तुलसा दाहाल निर्वाचित हुनुभएको छ ।
महिला, दलित, अल्पसंख्यक र अन्य लगायत चार पदको लागि भएको चुनावमा शुरुमा महिलातर्फको मतगणना सम्पन्न हुँदा दाहाल विजयी हुनुभएको हो ।
दाहाल महिलातर्फ राजपा र नेकपा गठबन्धनकी उम्मेदवार हुनुहुन्थ्यो । नेकपाबाट उम्मेदवार बनेकी दाहालले नेपाली कांग्रेसकी नगिना यादवलाई पराजित गरेकी गर्नुभएको हो । दाहालले कुल ५२०८ मतभार प्राप्त गर्नुभएको छ भने कांग्रेसकी यादवले ४६४० मतभार प्राप्त गर्नुभयो ।
त्यसपछि क्रमशः दलित, अल्पसंख्यक र पछि अन्यको मतगणना हुने निर्वाचन अधिकृत राजकुमार खतिवडाले बताउनुभयो । उहाँका अनुसार राति ९ बजेसम्म मतगणना सम्पन्न हुनेछ ।