राष्ट्रिय सभा सदस्यमा विमला घिमिरे विजयी

मायादेवी अनलाइन, चारनम्बर ।
विहीबार भएको राष्ट्रिय सभा निर्वाचनको मत गणना जारी छ । विहान १० बजेदेखि सुरु भएको मतदान अपराह्न ४ बजे सकिएको थियो । यसैक्रममा कतिपय स्थानको मतपरिणाम आउने क्रममा छ ।
यसैबीच प्रदेश ५ मा भएको मतदानमा महिला तर्फको मतपरिणाम सार्वजनिक भएको छ । जसमा नेकपाकी उम्मेद्वार विमला घिमिरे विजयी हुनुभएको छ । घिमिरे ५७७८ मतभार सहित विजयी हुनुभएको हो । कपिलवस्तु निवासी घिमिरे नेकपाको केन्द्रिय सदस्य हुनुहुन्छ भने कपिलवस्तु सह इन्चार्ज रहनुभएको छ । अहिले खुल्ला र अपाङ्गता तर्फको मत गणना भैरहेको बताइएको छ ।
निर्वाचनमा कुल ३ सय ३ मत खसेको थियो ।