एजेन्सी ।
इंग्लिस क्लब म्यानचेस्टर युनाइटेडको मजाक उसकै समर्थकले उडाएका छन् । इंग्लिस प्रिमियर लिग फुटबल अन्तर्गत बुधबार राति भएको खेलमा बर्नलीसँग पराजित भएको म्यानचेस्टर युनाइटेडले उसकै समर्थकको मजाकको पात्र बन्नु परेको हो ।
घरेलु मैदानमा भएको खेलमा म्यानचेस्टर युनाइटेड २–० ले पराजित भयो । बर्नलीले वल्ड ट्राफोर्डमा भएको प्रिमियर लिग अन्तर्गतको खेलमा जित निकालेको यो पहिलो पटक हो ।
बर्नलीका लागि ३९ औँ मिनेटमा क्रिस वुडले गोल गरे । पहिलो हाफमा १–० को अग्रता लिएको बर्नलीका लागि ५६ औँ मिनेटमा जे रोड्रिग्वेजले गोल गर्दै २–० को जित निश्चित गरेका हुन् ।
जितपछि बर्नली २४ खेलबाट ३० अंकसहित १३ औँ स्थानमा पुगेको छ । यस्तै पराजित भएको म्यानचेस्टर युनाइटेड ३४ अंकसहित पाँचौँ स्थानमा कायम छ ।
प्रतिक्रिया