खाद्य गोदाम फोरेर लोड गरेको गाडी प्रहरीले समात्यो

काठमाडौँ ।
काभ्रेपलाञ्चोक जिल्लाको बनेपा नगरपालिकाका विभिन्न गोदामहरु फोरेर गाँउ पठाउन ठिक्क पारेको गाडीलाई प्रहरीले नियन्त्रणमा लिएको छ ।
ईलाका प्रहरी कार्यालय बनेपाका प्रहरी निरीक्षक योगेन्द्र तिमल्सिनाको टोलीले बनेपामा विभिन्न व्यक्तिहरुको गोदामबाट दालचामल चोरेर काभ्रेको विकट डाडापारि लैजाने लागेको क्रममा प्रहरीले आइतबार मध्यराती उनीहरुलाई पक्राउ गरेको हो ।
पक्राउ पर्नेमा काभ्रेका कान्छा तामाङ, विवेक लामा र राजकुमार तामाङ रहेका छन् । खाद्यान्न पसलबाट सोना मनसुली चामल, दाल, चाउचाउ र अन्य खाद्यान्न सामाग्री चोरी गरी बा ५ ख ७२०९ नम्बरको निसान गाडीमा लोड गर्दै गर्दा पक्राउ गरिएको ईलाका प्रहरी काभ्रे बनेपाका प्रमुख प्रहरी निरीक्षक योगेन्द्र तिमल्सिनाले बताए ।