कपिलवस्तुमा बस दुर्घटना, एक जनाको मृत्यु, दर्जनबढी घाइते

मायादेवी अनलाइन, कपिलवस्तु ।
कपिलवस्तुमा आइतबार दिउँसो भएको यात्रु बहाक बस दुर्घटनामा एक जनाको ज्यान गएको छ । जिल्लाको कपिलवस्तु नगरपालिका वडा नं. ८ दोहनीमा बस दुर्घटना हुँदा एक जना भारतीय नागरिकको मृत्यु भएको हो । मृतक भारतको करहिया बस्ने ३५ वर्षका परमात्मा पाण्डेय रहेको जिल्ला प्रहरी कार्यलय कपिलवस्तुका प्रहरी उपरिक्षक दिप शमसेर जवराले जानकारी दिनुभयो ।
दुर्घटनामा दर्जन बढी घाइतेको भएको र उनीहरुको जिल्ला अस्पताल तौलिहवामा उपचार भैरहेको प्रहरी उपरिक्ष जवाराले बताउनुभयो । घाइतेको अवस्था सामान्य रहेको उहाँले बताउनुभयो ।
तौलिहवा–भैररहवा सडकखण्ड अन्तर्रगत भैरहवा जाँदै गरेको लु १ ख ६८१३ नम्बरको बस बाटोमा अनियन्त्रित भएर दुर्घटनामा परेको हो ।
दुर्घटना लगत्तै चालक र सहचालक फरार रहेका छन् । घटनाबारे थप अुनसन्धान भैरहेको प्रहरीले जनाएको छ ।