थारु बगिया स्टार सिजन सेभेनको जज राउण्ड बाट २१ छनौट

मायादेवी अनलाइन, जितपुर ।
थारु बगिया स्टार सिजन सेभेन अन्तर्गत जज राउन्डबाट २१ जना छनौट भएका छन् । शनिबार कपिलबस्तुको बाणगंगा १० करैलियामा भएको जज राउण्डबाट २१ जना प्रि फाइनलमा प्रवेश गरेका हुन । जसमा डान्सिङबाट ९ जना र सिङगिङबाट १२ जना प्रि फाइनलमा प्रबेश गरेको आयोजकले जनाएको छ ।
थारु बगियाको आयोजना र करैलिया गाउँ समाजको व्यवस्थापनमा सम्पन्न कार्यक्रममा डान्सिङतर्फ महादेव चौधरी, शकुन्तला चौधरी जज रहनुभएको थियो भने सिङगिङ तर्फ मनोज थारु र सिताराम थारु जज रहनुभएको थियो । प्रि फाइनल आउने शनिबार रुपन्देहीको मणिग्राममा हुने भएको छ ।
कार्यक्रम थारु बगिया केन्द्रिय अध्यक्ष मनिस कठरियाको प्रमुख आतिथ्य, थारु कल्याणकारी सभा कपिलबस्तुका अध्यक्ष उमाशंकर थारुको विशिष्ट आतिथ्यमा भएको हो । थारु बगिया कपिलवस्तुका अध्यक्ष सञ्जय कुमार चौधरीको अध्यक्षतामा सम्पन्न कार्यक्रमको संचालन सचिव नरेश थारु र सहसचिव दिपा चौधरीले गर्नुभएको थियो । कार्यक्रममा थारु बगिया नगर अध्यक्ष प्रियंका थारुले स्वागत मन्तव्य राख्नुभएको थियो ।