सुत्केरीको मृत्यु पछि नेपाल मेडिकल कलेजमा तोडफोड

काठमाडौं ।
उपचारको क्रममा सुत्केरीको मृत्यु भएपछि जोरपाटी अत्तरखेलस्थित नेपाल मेडिकल कलेजमा आफन्तले तोडफोड गरेका छन्। भोजपुर षडानन्द नगरपालिका(८ की सुनिता राईले बिहीबार राति ११ बजे बच्चालाई जन्म दिएकी थिइन्। तर, सुत्केरी भएको भोलिपल्ट अर्थात् शुक्रबार सुनिताको मृत्यु भए भएको थियो। आफन्तले सुनिताको उपचारका क्रममा चिकित्सकले लापरबाही गरेको भन्दै अस्पताल तोडफोड गरेका हुन्। नवजात शिशु स्वस्थ रहे पनि आमाको मृत्यु भएको हो। मृतक सुनिताका आफन्तका अनुसार सुत्केरी गराउने क्रममा भ्याकुमले शिशु तान्दा लापरबाही भएको हो। आफन्तले भ्याकुमले शिशु तान्दा सुत्केरीको पाठेघरसमेत तानेरको आरोप लगाएका छन्। आफन्तले घटनाको छानबिन गरी दोषीलाई कारबाहीको मागसमेत गरेका छन्। आफन्तले अस्पताल प्रशासनसँग सत्यतथ्य बाहिर ल्याउन माग गर्दै नाराबाजीसमेत गरेका छन्। तर, प्रशासनका तर्फबाट अहिलेसम्म कुनै प्रतिक्रिया आएको छैन।अस्पतालमा तोडफोड भएपछि प्रहरीले सुरक्षा दिइरहेको छ भने अस्पताल प्रशाशन भने सम्पर्क बाहिर रहेको छ।