बुद्धभूमि नगरपालिकामा कर्मचारीको बिदाई एवं स्वागत

मायादेवी अनलाइन, बुद्धभूमि ।
कपिलवस्तुको बुद्धभूमि नगरपालिकामा कर्मचारीहरुको बिदाई एवं स्वागत कार्यक्रम सम्पन्न गरिएको छ । स्वेच्छिक अवकास अन्तर्रगत सेवानिवृत्त भएका कार्यालय सहयोगी आतवारी चौधरीको बिदाई एवं सिभिल ईन्जीनीयर निकिता त्रिपाठीलाई गएको बुधबार स्वागत गरिएको छ ।

नगर प्रमुख केशव कुमार श्रेष्ठ, उप प्रमुख मिरा थारु, प्रमुख प्रशासकीय अधिकृत कृष्ण प्रसाद पाण्डेयले दुबैलाई फूलमाला सहित बिदाई र स्वागत गरेका थिए । सो अवसरमा मेयर श्रेष्ठले बुद्धभूमिको विकासका लागि सबैले मिलेर ईमान्दारीपूर्वक काम गर्न आग्रह गरे । खासगरी प्राबिधिक शाखाले ठोस रुपमा काम गरे बुद्धभूमि चाडै अघि बढने उनले बताए ।
यस्तै सो अवसरमा प्रमुख प्रशासकीय अधिकृत पाण्डेयले कर्मचारीहरु जहा गए पनि सही र नियमसंगत रुपमा काम गर्नुपर्नेमा जोड दिए । कपिलवस्तु नगरपालिका– १ कर्भडहाल टोलकी ईन्जीनियर त्रिपाठी हालै लोक सेवा आयोग पास गरे पछि पहिलो पटक सिभिल इ्र्रन्जीनीयरका रुपमा बुद्धभूमि खटिएकी हुन ।

ईन्जीनियर त्रिपाठीले आफुले पूर्ण निष्ठा र ईमान्दारीपूर्वक काम गर्ने प्रतिबद्धता ब्यक्त गरिन । प्रमुख श्रेष्ठको अध्यक्षता र राजन पाख्रेलको संचालनमा कार्यक्रम सम्पन्न भएको थियो ।