उत्तम चौधरीको नौलो अडियो “चलो छैली माघी मनाए” बजारमा

राम अवतार चौधरी, चन्द्रौटा ।
निकै सुमधुर स्वरमा रहेको “चलो छैली माघी मनाए” बोलको अडियो म्युजिक मंगलबार सार्वजनिक भएको छ । माघी पर्वलाई लक्षित गरी एस एम युट्युब च्यानलद्वारा सो अडियो सार्वजनिक गरिएको हो ।
विशेष गरी माघ महिनामा मनाइने ‘लवा बर्ष’ तथा माघी पर्वलाई थारु समुदायमा हर्षाेउल्लासका साथ मनाउने गरिन्छ । त्यसैलाई लक्षित गरी सोही समुदायले देश तथा विदेशमा समेत छरिएर रहेको थारु समुदायमा लोप हुँदै गएका संस्कृतिलाई संरक्षण र प्रबर्धन गर्ने उद्देश्यले विभिन्न स्थानहरूमा साँस्कृतिक कार्यक्रम आयोजना हुने गर्दछन् ।
हो त्यसैलाई नै समेटेर कलाकार उत्तम चौधरी, कमला चौधरी, सरगम चौधरी र मिलन चौधरी लगायतको सुमधुर स्वरमा सजिएको चलो छैली माघी मनाए बोलको अडियो म्युजिक सार्वजनिक गरिएको गायक उत्तम चौधरीले बताए ।
जसको शब्द संगित सरगम चौधरीले गरेका छन् भने एरेन्जरमा गणेश चौधरी रहेका छन् । यस्तै रेकर्डिङ भने डिर्मस रेकर्डिङ स्टुडियो काठमाडौंमा रेकर्ड गरिएको हो ।
सो अडियो म्युजिकको भिडियो अब केही दिनमा लगत्तै छायांकन हुने बताइएको छ । साथै “दिल जिगर तुहि धडकन” बोलको नयाँ कोशेली स्रोता माझ चाँडै नै बजारमा ल्याउने जमरका जुटेको गायक उत्तम चौधरीले बताउँदै यस अडियोमा रहेको उत्तम र कमला श्रीमान श्रीमती रहेको समेत उनले जनाए ।