केन्द्रीय कमिटी बैठक तीन साता पर सार्ने नेकपा सचिवालयको निर्णय

काठमाण्डौ ।
नेपाल कम्युनिष्ट पार्टी (नेकपा) को केन्द्रीय कमिटीको बैठक झण्डै एक महिना पर सारिएको छ ।
आइतबार बिहान प्रधानमन्त्री तथा नेकपा अध्यक्ष केपी शर्मा ओलीको सरकारी निवास बालुवाटारमा बसेको सचिवालय बैठकले आउँदो बुधबारका लागि बोलाइएको बैठक माघ १५ गतेका लागि सारेको हो ।
राष्ट्रिय सभाको चुनावको तयारीमा जुट्नुपर्ने भन्दै बैठक सारिएको नेकपाले जनाएको हो ।
आइतबारको सचिवालय बैठकमा सभामुखको सम्बन्धमा पनि छलफल हुन सकेन ।