नयाँ वर्षको पहिलो शिशुको जन्म फिजीमा, नेपालभर एक हजार ५६७ शिशु जन्मिने अनुमान 

एजेन्सी ।
अङ्ग्रेजी नयाँ वर्षको पहिलो दिनमा बुधबार नेपालभर एक हजार ५६७ शिशु जन्मिने अनुमान गरिएको छ। नेपाली नयाँ शिशुहरुको हिस्सा संसारभर नयाँ वर्षको दिनमा जन्मिने अनुमानित ३,९२,०७८ शिशुको तुलनामा ०।४ प्रतिशत हुनेछ। संयुक्त राष्ट्रसङ्घीय बालकोष ९युनिसेफ० नेपालले यस्तो अनुमानित आँकडा प्रक्षेपण गरेको हो। नयाँ वर्ष र नयाँ दशकको शुरुआतमा आफ्नो भविष्यका लागि हाम्रा आशा र आकाङ्क्षाबारे सोच्ने मात्र नभई हामीपछि आउनेहरुको भविष्यका लागि पनि सोच्ने अवसर रहेको युनिसेफका कार्यकारी निर्देशक हेनरिएटा फोरले बताए। ुपात्रोमा जनवरी फर्किँदै गर्दा हामीलाई जीवनको यात्रा शुरु गरेका हरेक बालबालिकाको उनीहरुलाई दिने अवसर र त्यसले दिने भविष्यको सम्भावनालाई सम्झाउँछु, उनले भने। फिजीमा जन्मियो पहिलो शिशु नयाँ वर्षको पहिलो दिन प्रशान्त क्षेत्रको फिजीले सन् २०२० को पहिलो शिशु प्राप्त गरेको छ। संयुक्त राज्य अमेरिकाले नयाँ वर्षको दिनको अन्तिम शिशु प्राप्त गर्नेछ। आजका दिन विश्‍वभरमा करिब ३ लाख ९२ हजार शिशुको जन्म हुँदैछ। सबैभन्दा धेरै शिशु भारतमा जन्मिँदैछन्। त्यसपछि दोस्रो स्थानमा चीनमा धेरै शिशुको जन्म हुँदैछ। संसारभर, बुधबार जन्मिने आधाभन्दा धेरै शिशु बढी सङ्ख्याका आधारमा क्रमशः भारत, चीन, नाइजेरिया, पाकिस्तान, इण्डोनेशिया, संयुक्तराज्य अमेरिकालगायत छन्। संसारभरका लाखौँ नवजात शिशुका लागि, उनीहरुको जन्म सुखद हुन नसकेको आँकडा प्रस्तुत गर्दै युनिसेफले सन् २०१८ मा, संसारभरका २५ लाख नवजात शिशु उनीहरु जन्मेको पहिलो महिनामै र तीमध्ये करीब एक तिहाइ उनीहरुको जीवनको पहिलो दिनमै मरेको जनाएको छ। ती शिशुमध्ये धेरैजसो समय अगाडि नै जन्मिने, सुत्केरी हुँदाको जटिलता र सेप्सिसजस्ता सङ्क्रमणलगायत जोगाउन सकिने कारणबाटै मरेका थिए। यसका साथै, हरेक वर्ष २५ लाखभन्दा धेरै शिशु मृत जन्मिन्छन् । सन् २०१८ मा जन्मेको पहिलो महिनामा मर्ने शिशुको हिस्सा पाँच वर्षमुनि मर्ने बालबालिकाको कूल सङ्ख्याको ४७ प्रतिशत थियो। युनिसेफले गर्भावस्था, प्रश्रव र जन्मका क्रममा हुने जटिलतालाई जोगाउन र उपचार गर्नका साथै हरेक आमा र नवजात शिशुको हेरचाह सुरक्षित हातले गरिएको सुनिश्चित गर्न उपयुक्त तालिम र उपकरणसहित स्वास्थ्यकर्मीमा तत्काल लगानी गर्न अह्वान पनि गरेको छ।

कहाँ कति जन्मिँदै

-नेपाल ( १५६७

-भारत( ६७३८५ २

-चीन ( ४६२९९

-नाइजेरिया ( २६०३९

-पाकिस्तान ( १६७८७

-इन्डोनेसिया ( १३०२०

-अमेरिका( १०४५२

-कंगो ( १०२४७

-इथियोपिया ( ८४९३