सशस्त्र प्रहरी बल कृष्णनगरद्वारा लागु औषध नष्ट

कृष्णनगर ।
सशस्त्र प्रहरी बल कृष्णनगर कपिलवस्तुले लागु औषध नष्ट गरेको छ । सशस्त्र प्रहरीबल कृष्णनगरबाट मोबाइल गस्तीमा खटेको प्रहरी टोलीले आज लागु औषध बरामद गरेको थियो ।
कृष्णनगर नगरपालिका वडा नं ३ मा भारत बाट नेपाल तर्फ झोलामा बोकी आउदै गरेका व्यक्तिले मोबाइल गस्ती टोली लार्र्इ देख्न साथ झोला फालेर भारत तर्फ भागेको थियो । प्रहरीले उक्त झोला चेक जांच गर्दा अबैद्य लागु ओसद फेला पारेको हो । उक्त लागु औषधलाई आज नै सशस्त्र प्रहरी बल कृष्णनगरका प्रतिनिधि, पत्रकार, नेपाल प्रहरीका प्रहरी निरिक्षक प्रताप पौडेल लगायत को रोहबरमा नष्ट गरिएको छ। बरामद उक्त लागु औषधको मुल्य ९० नब्बे हजार पर्ने सशस्त्र प्रहरी बल कृष्णनगर नं ३९ का गुल्मपती सशस्त्र प्रहरी नायब उपरिक्षक सुशील कुमार शाही ले जानकारी दिए।