मोटरसाइकल चोरी गर्दा गर्दै चारजना पक्राउ

वीरगञ्ज ।
मोटरसाइकल चोरी गर्दै गरेको अवस्थामा ४ जना वीरगञ्जमा पक्राउ परेका छन् । पक्राउ पर्नेमा बाराको कोल्बी नगरपालिका वडा नम्बर ६ सखुवाहा बस्ने २३ वर्षीय देवराज चौधरी, वडा नम्बर ५ मलहनियाका १८ वर्षीय आशा चौधरी, करैयामाई गाउँपालिका वडा नम्बर ५ ठोरिहाई बस्ने २० वर्षीय राकेश चौधरी र २० वर्षीय दिपक चौधरी रहेका छन् ।
उनीहरु चारैजनालाई प्रहरीले मोटरसाइकल चोर्न लागेको अवस्थामा वीरगञ्ज महानगरपालिका वडा नम्बर १५ बाट पक्राउ गरेको हो । प्रहरीले उनीहरुको साथबाट मोटरसाइकलको लक फुटाउने मास्टर साँचो र मोटरसाइकल चालु गर्न प्रयोग गरिने स्वीच, प्लक थान २ बरामद गरेको छ ।