विद्यार्थीले गरे जगदीशपुर तालको सरसफाई

मायादेवी अनलाइन, तौलिहवा ।

कपिलवस्तु नगरपालिका वड नं. ९ जगदिशपुरमा वडा स्तरिय सरसफाइ कार्यक्रम अन्तर्गत बुधबार कनकमुनी माध्यमिक विद्यालय प्राबिधिक धारका बिद्यार्थीहरुको सकृयतामा सरसफाई गरिएको छ ।

कक्षा ९ र १० का बिद्यार्थी सहभागी रहेको सरसफाई कार्यक्रममा विद्यार्थीहरुले बजार क्षेत्र सँगै जगदिशपुर ताल वरिपरि सरसफाइ गरेका थिए ।

वडा न ९ का वडाअध्यक्ष शिव वाग्ले बिद्यालयका शिक्षक विद्यार्थीहरु संगै उक्त सरसफाई कार्यक्रममा विद्यार्थीहरु पुसको जाडोमा पनि सक्रियताका साथ जुटेका थिए ।

जगदिशपुर ताल आसपासमा जाडो बढे संगै ताल घुम्न आउने र पिकनिकमा आउनेहरु बढ्दै गैरहेका छन । ताल वरपरको क्षेत्रलाई सुन्दर बनाउन विद्यार्थी जुटे संगै सरसफाइमा लाग्न सबैलाई हौसला प्रदान गरेको छ ।