कांग्रेस बैठक पुष ४ गतेसम्मका लागि स्थगित

काठमाडौँ ।
संस्थापन र पौडेल समूहबीच सहमति नजुटेपछि नेपाली कांग्रेसको केन्द्रीय कार्यसमिति बैठक पुष ४ गतेसम्मका लागि स्थगित भएको छ । महाधिवेशनको कार्यतालिकालाई प्रमुख एजेण्डा बनाउनुपर्ने पौडेल समूहको मागबारे सहमति नजुटेपछि कांग्रेस बैठक लगातार प्रभावित हुँदै आएको थियो ।
पौडेल समूहले लगातार बैठक बहिस्कार गरेपछि कांग्रेसले अर्को बैठक पुष चार गते एक बजेका लागि बोलाएको छ । दुवै समूहले वार्ता टोली समेत गठन गरेर सहमतिको प्रयास गरेका भए पनि ती प्रयासहरु निरर्थक रहे ।
अहिले पनि नेताहरु गुटगत र आन्तरिक छलफलमा छन् ।