१२ औं कपिलवस्तु महोत्सव मंसिर १६ गतेबाट हुने

मायादेवी अनलाइन, वाणगंगा ।
कपिलवस्तुकै पर्वको रुपमा विगत ११ बर्षदेखि हुँदै आएको कपिलवस्तु महोत्सवको १२ औं संस्करणको मिति घोषणा गरिएको छ । दुईदिन अघि कपिलवस्तु उद्योग वाणिज्य संघले बैठक बसेर महोत्सवको मिति तय गरेको हो ।

११ औं कपिलवस्तु महोत्सवको समापनसस्त्रमा बोल्दै कपिलवस्तु उद्योग वाणिज्य संघका अध्यक्ष उमानाथ पौडेलले महोत्सवको मिति मंगलबार (आज) सार्वजनिक गर्नुभयो ।

अध्यक्ष पौडेलले मंसिर १६ देखि २८ गतेसम्म महोत्सव सञ्चालन गर्ने बताउनुभयो । महोत्सवको १२ औं संस्करण निकै पृथक र अत्याधुनिक हुने अध्यक्ष पौडेलले जानकारी दिनुभयो । महोत्सव आलोपालो सञ्चालन गर्दै आएको बताउँदै आगामी बर्ष संघले आयोजना गर्ने उहाँले बताउनुभयो ।