विजयनगरमा सवारी दुर्घटना, दुई जना घाइते, एकको अवस्था गम्भिर

प्रभात न्यौपाने, विजयनगर ।
कपिलवस्तुको विजयनगरमा सोमबार राती भएको मोटरसाइकल दुर्घटनामा परि दुई जना घाइते भएका छन् । उत्तरबाट दक्षिणतर्फ जादै गरेको साइकलयात्रीलाई विपरित दिशाबाट आएको बा ७२ प १८३२ नम्बरको मोटरसाइकलले विजयनगर गाउँपालिका वडा नम्बर ४ शंकरपुर निवासी ६० बर्षीय बाबुलाल थारु र उनकी श्रीमती बर्ष ४८ की कोइली थारुलाई ठक्कर दिएको हो ।
ईलाका प्रहरी कार्यालय गणेशपुरका प्रहरी निरिक्षक मधु नेपालले दिएको जानकारी अनुसार दुर्घटनामा गम्भिर घाइते भएका बाबुलालको चन्द्रौटामा उपचार हुन नसकेपछि थप उपचारका लागि बुटवल स्थित चौराहा हस्पिटल प्रालिमा रेफर गरिएको छ भने निजकी पत्नीको भने चन्द्रौटामै उपचार भैरहेको छ ।
दुर्घटना सोमबार राती ११ बजेतिर शंकरपुर सडकखण्डमा भएको हो । ठक्कर दिने मोटरसाइकल चालक भने फरार रहेको र खोजीकार्य भैरहेको इलाका प्रहरि कार्यालय गणेशपुरले जानकारी दिएको छ । घाइते बाबुलालको टाउकोमा गम्भिर चोट लागेको पारिवारिक स्रोतले जनाएको छ । दुर्घटना तिव्र गतिका कारणले भएको स्थानीयले बताएका छन् ।