पाल्पा ।
ठुलो परिमाणमा लागुऔंषध बरामद भएको छ । पाल्पाको तिनाउँ गाउँपालिका वडा नं. ३ दोभान पाल्पा बुटवल सडकखण्डको झुम्सामा लागु औंषधसहित दुई जना पक्राउ परेका छन ।
बुटवलबाट पाल्पा आउदै गरेको ग १८ प ८९ नम्बरको मोटरसाइकलमा लुकाएर ल्याएको अवस्थामा लागुऔंषध बरामद गरिएको जिल्ला प्रहरी कार्यालय पाल्पाले जनाएको छ ।
पक्राउ पर्नेमा स्याङजा जिल्ला अर्जुनचौपारी ५ घर भै पोखरा बस्ने २२ बर्षका विशाल नेपाली र कास्की मादी ९ बस्ने बर्ष ३१ का किरण गुरुड्ढ रहेको जिल्ला प्रहरी कार्यालय पाल्पाका सुचना अधिकारी डिएसपी कृष्णराज सापकोटाले जानकारी दिए ।
उनीहरूको साथबाट डाइजेपाम ६८ वटा, नुफिन ६८ वटा, फेनेराज ६८ वटा र नगद १६ हजार १ सय नगद बरामद भएको छ ।
प्रतिक्रिया